ଭୋକରେ ଆଉଟୁପାଉଟୁ ହେଉଥିବା ପାକିସ୍ତାନ ଏବେ ଶୋଷରେ ମରିବ

ଭୋକରେ ଆଉଟୁପାଉଟୁ ହେଉଥିବା ପାକିସ୍ତାନ ଏବେ ଶୋଷରେ ମରିବ ! ଭାରତ ସିନ୍ଧୁ ଜଳ ଚୁକ୍ତି ବାତିଲ୍ କରି ସାରିବା ପରେ ଏବେ ଏଭଳି ଆଶଙ୍କା ସୃଷ୍ଟି ହୋଇଛି । କିଭଳି ଭାରତରେ ହିଁ ସିନ୍ଧୁ ଜଳ ଉପଯୋଗ ହୋଇପାରିବ, ସେ ନେଇ ପ୍ରସ୍ତୁତ ହୋଇ ବ୍ଲୁ ପ୍ରିଣ୍ଟ । ଭାରତ ପଟୁ ଝେଲମ ନଦୀର ଜଳପ୍ରବାହ କମାଇବାକୁ ଯୋଜନା ହୋଇଥିବା କୁହାଯାଉଛି । ଆଉ ଏଭଳି ହେଲେ ଶୁଖିଯିବ ପାକିସ୍ତାନର ହଜାର ହଜାର ହେକ୍ଚର ଚାଷ ଜମି । ଶିଳ୍ପ ସଂସ୍ଥାକୁ ମିଳିବନି ପାଣି । ବାଧାପ୍ରାପ୍ତ ହେବ ପଡ଼ୋଶୀ ଦେଶର ବିଜୁଳି ପ୍ରୋଜେକ୍ଟ । ଆହୁରି କାଙ୍ଗାଳ ହୋଇଯିବ ଆତଙ୍କବାଦୀଙ୍କୁ ପାଳି ପୋଶି ବଡ଼ କରୁଥିବା ପାକିସ୍ତାନ ।ରତର ‘ସିନ୍ଧୁ’ ଅସ୍ତ୍ର ପାକିସ୍ତାନକୁ ବୁଡ଼େଇବ, ଶୁଖେଇବ ଓ୍ବାଟର ଷ୍ଟ୍ରାଇକ୍ ପରେ ଛାନିଆ ପାକ୍ । ଭାରତର ଅପରେସନ୍ ସିନ୍ଦୂରରେ ଛାନିଆ ହୋଇଥିବା ପାକିସ୍ତାନ ପାଇଁ ଚିନ୍ତାର କାରଣ ହୋଇଛି ହିନ୍ଦୁସ୍ତାନର ଓ୍ବାଟର ଷ୍ଟ୍ରାଇକ୍ । ପାକିସ୍ତାନର ଲାଇଫ୍ ଲାଇନ୍ କୁହାଯାଉଥିବା ‘ସିନ୍ଧୁ’ ଜଳ ରୋକିବା ପାଇଁ ଭାରତ ନିଷ୍ପତ୍ତି ନେବା ପରେ ଚିନ୍ତାରେ ସରିଫ ସରକାର । କିଭଳି ପାଣି ବିନା ପାକିସ୍ତାନରେ ହାହା କାର ପଡ଼ିଯିବ, ସେଥି ପାଇଁ ନୂଆଦିଲ୍ଲୀ କରିଛି ବଡ଼ ରଣନୀତି । ସୂଚନା ଅନୁସାରେ, ଭାରତ ପଟୁ ଝେଲମର ୩ କିମି ଜଳପ୍ରବାହ କମାଇବାକୁ ବ୍ଲୁ ପ୍ରିଣ୍ଟ୍ ପ୍ରସ୍ତୁତ ହୋଇଛି । ଝେଲମ ନଦୀରେ ଏକାଧିକ ଡ୍ୟାମ୍ ପାଇଁ ଯୋଜନା ହୋଇଛି । LoCରୁ ତଳକୁ ଯିବନାହିଁ ଝେଲମରୁ ବୁନ୍ଦାଏ ପାଣି । ଝେଲମରେ ହେବ ୩୦ ମିଟରରୁ ଅଧିକ ଉଚ୍ଚର ବନ୍ଧ ! ଯାହାଫଳରେ ପାକିସ୍ତାନରେ ବାଧାପ୍ରାପ୍ତ ହେବ ବିଜୁଳି ପ୍ରୋଜେକ୍ଟ । ସେହିଭଳି ଶୁଖିଯିବ ହଜାର ହଜାର ହେକ୍ଟର ଚାଷ ଜମି । ଆଉ ଯଦି ଭାରତ ଗେଟ୍ ଖୋଲିଦିଏ ତେବେ ପାକିସ୍ତାନରେ ଉପଜିବ ବନ୍ୟା ସ୍ଥିତି । କହିବାକୁ ଗଲେ, କେବେ ଶୁଖିଲା ମରିବ, କେବେ ବନ୍ୟାରେ ବୁଡ଼ିବ ପାକିସ୍ତାନ ।ଭାରତ ରୋକଠୋକ୍ ଶୁଣାଇ ଦେଇଛି ‘ସିନ୍ଧୁ’ ଜଳ ଚୁକ୍ତି ରଦ୍ଦ ହୋଇ ସାରିଛି । ଆଉ ଏଭଳି ହେଲେ, ପାକିସ୍ତାନରେ ହେବ ଭୟଙ୍କର ଜଳସଙ୍କଟ ! ପାକିସ୍ତାନରେ ପ୍ରଭାବିତ ହେବ ୭୦% କୃଷିକ୍ଷେତ୍ର । ପାକିସ୍ତାନର ପ୍ରଭାବିତ ହେବ ବିଜୁଳି ଉତ୍ପାଦନ । ପାକିସ୍ତାନର ଅଧିକାଂଶ ଶିଳ୍ପକୁ ମିଳିବନି ବିଜୁଳି । ଦୋହଲିଯିବ ପାକିସ୍ତାନର ଅର୍ଥନୀତି ।