ମୃତକଙ୍କ ପରିଚୟ ସହ ହତ୍ୟାକାରୀକୁ ଖୋଜୁଛି ପୋଲିଶ
ରାଉରକେଲା ସହର ସଂଲଗ୍ନ ସେକ୍ଟର -୧୫ ଥାନା ଅଞ୍ଚଳରେ ଥିବା ଏକ ଜଙ୍ଗଲରୁ ଜନୈକ ଅଜଣା ବ୍ୟକ୍ତିଙ୍କ ଅଧାପୋଡା ମୃତ ଦେହ ଉଦ୍ଧାର କରିଛି ପୋଲିଶ । ତେବେ କାହାର ଏ ମୃତ ଦେହ ? କିଏ ଓ କେଉଁଠି ହତ୍ୟା କରି ଶବ ପୋଡିବା ସହ ଅଧାପୋଡା ଅବସ୍ଥାରେ ଆଣି ଏହି ଅଞ୍ଚଳରେ ଥିବା ଜଙ୍ଗଲ ଭିତରେ ଫୋପାଡି ଦେଇଛି । ତେବେ ଅଧାପୋଡା ମୃତ ଦେହଟି ପଡ଼ିଥିଲା ୭-୧୭ ଛକ ନିକଟରେ ଥିବା ବାବା ସାହେବ ଆମ୍ବେଦକରଙ୍କ ପ୍ରତିମୂର୍ତ୍ତୀ ପଛରେ ଥିବା ଏକ ନିଛାଟିଆ ଜଙ୍ଗଲରେ । ଶବଟିକୁ ଏପରି ଭାବେ ଜଣାଯାଇଛି ଯେ ତାଙ୍କର ମୁହଁରୁ ମଧ୍ୟ କିଛି ଜାଣିବା ସମ୍ଭବ ହେଉଛି । ତେବେ ହତ୍ୟା ଓ ଜଳାଇବା ରହସ୍ୟ ତଦନ୍ତ ସାପେକ୍ଷ । ପୋଲିଶ ତନ୍ନତନ୍ନ କରି ଖୋଜୁଛି ହତ୍ୟାର କାରଣ । ପୋଲିଶ ଫରେନସିକ ଦଳକୁ ନେଇ ଯାଞ୍ଚ କରିବା ସହ ଆଖପାଖର ସିସିଟିଭି ମଧ୍ୟ ଖଙ୍ଗାଳୁଛି । ଶବକୁ ଜବତ କରି ବ୍ୟବଚ୍ଛେଦ ପାଇଁ ପଠାଇବା ସହ ଏହି ଘଟଣାର ତଦନ୍ତ ଜାରି ରଖିଛି ପୋଲିଶ । ସ୍ଥାନୀୟ ଜନସାଧାରଣ ପୋଲିଶକୁ ଅନୁରୋଧ କରିଛନ୍ତି ଯେ ଏଭଳି ସନ୍ଦିଗ୍ଧ ଅଞ୍ଚଳ ମାନଙ୍କରେ ନୀୟମିତ ପୋଟ୍ରୋଲିଂ ସହ ଭିତିରି ଯାଞ୍ଚ କରାଯାଉ ।