ଦିନେ ସମସ୍ତେ କୋହଲିଙ୍କୁ ନେଇ କହୁଥିଲେ, ସମୟ ଆସି ଯାଇଛି ସେ ଅବସର ନେଇ ଯିବା ଉଚିତ୍ । ଆଉ ଆଜି କହୁଛନ୍ତି, ‘ବିରାଟ ହୈ ତୋ ମୁମକିନ ହୈ’ ।ଦୁବାଇରେ ରନ ମେସିନ କୋହଲିଙ୍କ ବିସ୍ପୋରକ ତଥା ଅଦ୍ଭୁତ ଶତକ ବଳରେ ଏବେ ପାକିସ୍ତାନ ଟୁର୍ଣ୍ଣାମେଣ୍ଟରୁ ବାହାର ହେବାର ପାଦ ଦେଶରେ । ସାରା ବିଶ୍ୱ ଦେଖିଛି କୋହଲିଙ୍କ ଭୟଙ୍କର ରୂପ । ବ୍ଯାଟ ଚମକିଛି ବିଶ୍ୱ ଦେଖିଛି ତାଙ୍କୁ କାହିଁକି କୁହାଯାଏ ‘କ୍ରିକେଟ କିଙ୍ଗ’ ।ଚାପରେ ଥିବା ସମୟରେ ତଥା ପାକିସ୍ତାନ ସହ ହାଇଭୋଲଟେଜ ମ୍ଯାଚରେ ତାଙ୍କର ଫର୍ମକୁ ଫେରିବା ଏବେ ସମାଲୋଚକଙ୍କ ମୁହଁ ବନ୍ଦ କରି ଦେଇଛି । ମାତ୍ର ୧୧୧ ବଲରେ ଶତକ ହାସଲ କରି ମ୍ଯାଚ ବିଜୟ କରାଇଛନ୍ତି ବିରାଟ । ଫଳରେ ଚାମ୍ପିୟନ୍ସ ଟ୍ରଫିକୁ ଉଠାଇବାର ଆହୁରି ପାଖକୁ ପାଖେଇଛି ଟିମ୍ ଇଣ୍ଡିଆ ।ରାଜନେତାଠୁ ଆରମ୍ଭ କରି ସେଲିବ୍ରିଟି,କ୍ରିକେଟରଠୁ ଆରମ୍ଭ କରି ଫ୍ଯାନ୍ସ ସମସ୍ତେ ବିରାଟଙ୍କୁ ଏବେ ଭୂରି ଭୂରି ପ୍ରଶଂସା କରୁଛନ୍ତି । ଶୁଭେଚ୍ଛାର ସୁଅରେରେ ଏ ମହାନ ବ୍ଯାଟର ଚମକୁଛନ୍ତି ଦେଶ ପାଇଁ ।ଏହାସହ ଦୁବାଇରେ ଖେଳାଯାଇଥିବା ଭାରତ-ପାକିସ୍ତାନ ବିଗ ଫାଇଟରେ କୋହଲିଙ୍କ ବିରାଟ ରେକର୍ଡ ଦେଖିବାକୁ ମିଳିଛି । ଗୋଟିଏ ପରେ ଗୋଟିଏ ରେକର୍ଡ ଭାଙ୍ଗିଛନ୍ତି କିଙ୍ଗ ତଥା ରନ ମେସିନ । ବିରାଟ କୋହଲି ଦିନିକିଆ କ୍ରିକେଟରେ ନିଜର ୧୪ ହଜାର ରନ୍ ପୂରଣ କରିଛନ୍ତି । ଯାହା ଏକ ବିରଳ ଓ ବିରାଟ ରେକର୍ଡ ମଧ୍ଯ ।ପ୍ରକାଶଥାଉ ଯେ, ଦିନିକିଆ କ୍ରିକେଟରେ ୧୪ ହଜାର ରନ କରିବାରେ ବିରାଟ ହେଉଛନ୍ତି ତୃତୀୟ ଖେଳାଳି । ସବୁଠୁ ଦ୍ରୁତତମ ୧୪ ହଜାର ରନ କରିବାରେ ସେ ବିଶ୍ୱର ପ୍ରଥମ ଖେଳାଳି ଦିନିକିଆରେ ।ଏହି ବିରଳ କାରନାମା କରିବା ପାଇଁ କିଙ୍ଗ କୋହଲିଙ୍କୁ ମାତ୍ର ୨୮୭ ଟି ଦିନିକିଆ ଖେଳିବାକୁ ପଡିଛି । କ୍ରିକେଟର ଭଗବାନ ସଚିନ ତେନ୍ଦୁଲକର ଏ କାରାନାମା କରିବା ପାଇଁ ୩୫୦ ଟି ଦିନିକିଆ ଖେଳିଥିଲେ । ସେହିଭଳି ଶ୍ରୀଲଙ୍କାର ମହାନ ବ୍ଯାଟର କୁମାର ସାଙ୍ଗାକାରା ଏଥିପାଇଁ ନେଇଥିଲେ ୩୭୮ ଟି ଦିନିକିଆ ମ୍ଯାଚ ।ପାକିସ୍ତାନ ବିପକ୍ଷ ମହାଲଢେଇରେ ନମ୍ୱର ୩ ରେ ବ୍ଯାଟିଂ କରିଥିବା ମହାନ ତଥା ଷ୍ଟାର ବ୍ଯାଟର ‘କିଙ୍ଗ କୋହଲି’ ତଥା ‘ରନ ମେସିନ’ବିରାଟ ବିସ୍ପୋରକ ଇନିଂସ ଖେଳିଛନ୍ତି । ପ୍ରକାଶଥାଉ ଯେ, ଆଜିର ମ୍ଯାଚ ପୂର୍ବରୁ ବିରାଟ ପାକିସ୍ତାନ ବିପକ୍ଷ ମ୍ଯାଚରେ ୫୭.୭୮ ହାରରେ ୬୭୮ ରନ କରିଛନ୍ତି । ଯେଉଁଥିରେ ୩ ଶତକ ଓ ୨ ଧୂଆଁଧାର ଅର୍ଦ୍ଧଶତକ ସାମିଲ ରହିଛି । ତାଙ୍କର ଦିନିକିଆର ସର୍ବୋଚ୍ଚ ସ୍କୋର ୧୮୩, ଯାହା ପାକ୍ ଦଳ ବିରୋଧରେ ଆସିଥିଲା ।ବିରାଟ ଦିନିକିଆରେ ୨୯୮ ମ୍ଯାଚ ଖେଳି ୨୮୬ ପାରିରେ ୫୦ ଶତକ ଓ ୭୩ ଅର୍ଦ୍ଧଶତକ ସହ ୧୩୯୮୫ ରନ କରିଥିଲେ । ମାତ୍ର ଆଜି ୧୪ ହଜାର ରନ କରି ସାରା ବିଶ୍ୱକୁ ଚମକାଇ କହିଛନ୍ତି ଯେ,’ଫର୍ମ ଇଜ ଟେମ୍ପୋରାରି କ୍ଲାସ ଇଜ ପାରମାନେଣ୍ଟ’ । ପାକିସ୍ତାନ ବିରୋଧରେ ହାଇଭୋଲଟେଜ ମ୍ଯାଚରେ ଚାପରେ କୋହଲି ବିରାଟ ପାରି ଖେଳି ଅଧିକ ଚମକି ଥାଆନ୍ତି । ଯାହା ଆଜି ମଧ୍ୟ ଦେଖିବାକୁ ମିଳିଥିଲା ।
{"remix_data":[],"remix_entry_point":"challenges","source_tags":["local"],"origin":"unknown","total_draw_time":0,"total_draw_actions":0,"layers_used":0,"brushes_used":0,"photos_added":0,"total_editor_actions":[],"tools_used":{"border":1,"transform":1,"remove":1},"is_sticker":false,"edited_since_last_sticker_save":true,"containsFTESticker":false}