ଆମେ ସମସ୍ତେ ଭଲ ରେଷ୍ଟୁରାଣ୍ଟରେ ବସି ଖାଇବାକୁ ପସନ୍ଦ କରୁ । କିନ୍ତୁ ଆଜି ଆମେ ଆପଣଙ୍କୁ ଏମିତି ଏକ ରେଷ୍ଟୁରାଣ୍ଟ ବିଷୟରେ କହିବାକୁ ଯାଉଛୁ ଯେଉଁଠି ଖାଇବା ବଦଳରେ ପଇସା ନୁହଁ ଆଉକିଛି ନିଆଯାଏ । ଆମ ଦେଶର ଛତିଶଗଡ ରାଜ୍ୟର ଅମ୍ବିକାପୁର ଗୋଟେ ଜଣାଶୁଣା ସହର ।ସମ୍ପୂର୍ଣ ଭାରତବର୍ଷରେ ସଫାସୁତୁରାରେ ଏହା ୨ୟ ସ୍ଥାନରେ ଅଛି ।
ଏବେ ଏଠାରେ ଏମିତି ଏକ କାର୍ଯ୍ୟ କରାଯାଉଛି ଯେଉଁଠି ଭୋକିଳାକୁ ଖାଦ୍ୟ ଦେବାସହ ପ୍ରକୃତିକୁ ମଧ୍ୟ ବଞ୍ଚାଯାଇ ପାରୁଛି ।
ଅମ୍ବିକାପୁର ନଗର ନିଗମର କମିଶନର ମନୋଜ ସିଂହ ଓ ତାଙ୍କର ପୁତ୍ରୀ କାମୟାନି ଗୋଟେ ଏମିତି କେଫେ ଖୋଲିଛନ୍ତି ଯେଉଁଥିରେ ୧ କିଲୋଗ୍ରାମ ପ୍ଲାଷ୍ଟିକ ଦେଲେ ଖାଦ୍ୟ ମାଗଣାରେ ଦିଆଯାଉଛି । ୧.୫ କିଲୋଗ୍ରାମ ପ୍ଲାଷ୍ଟିକ ଦେଉଥିବା ଲୋକକୁ ସକାଳର ଖାଦ୍ୟ ମଧ୍ୟ ଦିଆଯାଉଛି । ଏହି ରେଷ୍ଟୁରାଣ୍ଟର ନାମ ‘ଗାର୍ବେଜ କାଫେ ‘ ଯାହାର ଲକ୍ଷ ହେଉଛି ଅଧିକ ପ୍ଲାଷ୍ଟିକ ଏକାଠି କରି ଏହା ସାହାଯ୍ୟ ରେ ରାସ୍ତା ନିର୍ମାଣ କରିବା ।
ଛତିଶଗଡରେ ଆଗରୁ ମଧ୍ୟ ପ୍ଲାଷ୍ଟିକରେ ରାସ୍ତା ନିର୍ମାଣ ସରିଛି । ଏ ପର୍ଯ୍ୟନ୍ତ ଭାରତରେ ପାଖାପାଖି ୧୦୦୦୦୦ କିମି ପ୍ଲାଷ୍ଟିକ ସଡକ ଅଛି । ପ୍ଲାଷ୍ଟିକରେ ନିର୍ମିତ ସଡକ ସାମାନ୍ୟ ସଡକ ଠାରୁ ୩ ଗୁଣା ଅଧିକ ସମୟ ପର୍ଯ୍ୟନ୍ତ ଚାଲେ । ଯଦି ଆପଣ ମଧ୍ୟ ଏହି ରେଷ୍ଟୁରାଣ୍ଟକୁ ଯିବାକୁ ଚାହୁଁଛନ୍ତି ତେବେ ଆପଣଙ୍କୁ ଛତିଶଗଡର ସର୍ଗୁଜା ଜିଲ୍ଲାକୁ ଯିବାକୁ ପଡିବ । ଅମ୍ବିକାପୁର ଯିବା ପାଇଁ କୌଣସି ସିଧା ବସ, ଟ୍ରେନ ଓ ଉଡାଜାହାଜ ନହିଁ ।
ନୂଆ ଦିଲ୍ଲୀ ରୁ ଅମ୍ବିକାପୁରର ରାସ୍ତା ଆକାଶମର୍ଗରେ ୮୫୬ କିମି ଅଟେ । ଅମ୍ବିକାପୁର ଯିବାପାଇଁ ଆପଣଙ୍କୁ ନୂଆ ଦିଲ୍ଲୀରୁ ବାରଣାସୀ ପାଇଁ ଇଣ୍ଡିଗୋ ଏୟାରଲାଇନ୍ସ ନେଇ ପାରିବେ । ଏହାପରେ ବାରଣାସୀରୁ ଇଣ୍ଡିଗୋ ଏୟାରଲାଇନ୍ସ ନେଇ ସିଧା ଅମ୍ବିକାପୁର ଯାଇ ପାରିବେ ।