ପୁରୀ ରଥଯାତ୍ରା ପାଇଁ ଆଜି କଟକ ଖପୁରିଆ ସରକାରୀ କରତ କଳ ରେ ରୀତିନୀତି ଅନୁସାରେ ରଥ କାଠ ଚିରଟ ଅନୁକୂଳ ହୋଇଛି । ଶ୍ରୀମନ୍ଦିର ମୁଖ୍ୟ ପ୍ରଶାସକ ଓ ରଥ ନିର୍ମାଣର ମୁଖ୍ୟ ମହାରଣାଙ୍କ ଉପସ୍ଥିତିରେ ପାରମ୍ପରିକ ଢଙ୍ଗରେ ଆରମ୍ଭ ହୋଇଛି ଏହି ରଥକାଠ ଚିରଟ । ପ୍ରତି ଵର୍ଷ ରାମ ନବମୀ ରେ ରଥ ନିର୍ମାଣ ପାଇଁ କଟକରେ ରଥ କାଠ ଚିରଟ ଆରମ୍ଭ ହୋଇଥାଏ ।ପୁରୀ ରଥ ନିର୍ମାଣ ପାଇଁ ଆରମ୍ଭ ହେଲା ରଥକାଠ ଚିରଟ କାମ । ଆଜି କଟକର ଖପୁରିଆରେ ଥିବା ସରକାରୀ ଶ’ମିଲ ରେ ଏହି ରଥ କାଠ ଚିରଟର ଶୁଭ ଅନୁକୂଳ କରାଯାଇଛି । ପରମ୍ପରା ଅନୁସାରେ ରାମ ନବମୀରେ ରଥ ନିର୍ମାଣ ପାଇଁ ଜଙ୍ଗଲରୁ ଆସିଥିବା କାଠ ଚିରଟ କାମ ପାରମ୍ପରିକ ଭାବେ ଆରମ୍ଭ ହୋଇଥାଏ । ଚଳିତ ବର୍ଷ ଶ୍ରୀମନ୍ଦିରରୁ ଆଜ୍ଞାମାଳ ଆସିଵା ପରେ ସେବାୟତ, ମୁଖ୍ୟ ମହାରଣା ଓ ଶ୍ରୀମନ୍ଦିରର ମୁଖ୍ୟ ପ୍ରଶାସକଙ୍କ ଉପସ୍ଥିତିରେ ଏହି ରଥ କାଠ ଚିରଟ ଆରମ୍ଭ ହୋଇଛି ।ସେହିଭଳି ରଥ ତିଆରି ପାଇଁ ନୟାଗଡ଼ ଓ ଵରଗଡ ଜଙ୍ଗଲରୁ କାଠ ସଂଗ୍ରହ ହୋଇଛି । ତିନି ରଥ ନିର୍ମାଣ ପାଇଁ ଚଳିତ ବର୍ଷ ମୋଟ ୮୧୪ଖଣ୍ଡ କାଠ ଚିରଟ ହେବାକୁ ଥିବାବେଳେ ଆଜି ସୁଦ୍ଧା କଟକ ସ’ ମିଲରେ ପହଞ୍ଚିଛି ୨୬୧ଖଣ୍ଡ କାଠ । ଅସନ କାଠ, ଧଉରା କାଠ, ଫାଶୀ କାଠ, ସିମିଳି କାଠ ଓ ମଇ କାଠ ଭଳି ୭ହଜାର ଘନଫୁଟ କାଠ ଚିରଟ ହେବ ।ପବିତ୍ର ରାମ ନବମୀ ଅବସରରେ ପ୍ରତିବର୍ଷ ପରି ଚଳିତ ବର୍ଷ ମଧ୍ୟ ମହାପ୍ରଭୁଙ୍କ ଘୋଷଯାତ୍ରା ପାଇଁ ଖପୁରୀଆ ସରକାରୀ ସ’ ମିଲ୍ ରେ ରଥ କାଠ ଚିରଟ ପ୍ରକ୍ରିୟା ଆରମ୍ଭ ହୋଇଛି । ଏବେ ଅପେକ୍ଷା ଅକ୍ଷୟ ତୃତୀୟା ରୁ ରଥ ନିର୍ମାଣକୁ ।
