ଆଗ ଯୁଗରେ ଏହା ମଧ୍ୟ କୁହାଯାଏ ଯେ ସେମାନେ ମାଟି ତଳେ ଥିବା ଧନସମ୍ପତ୍ତିକୁ ସୁରକ୍ଷା ଦିଅନ୍ତି । ଏକ ଧାର୍ମିକ ବିଶ୍ୱାସ ମଧ୍ୟ ଅଛି ଯେ ଯେଉଁଠାରେ ଦେବୀ ଲକ୍ଷ୍ମୀ ବାସ କରନ୍ତି, ସେଠାରେ ସାପ ମଧ୍ୟ ଥାଆନ୍ତି । କିନ୍ତୁ ସାପମାନେ କ’ଣ ପ୍ରକୃତରେ ଧନସମ୍ପତ୍ତିକୁ ସୁରକ୍ଷା ଦିଅନ୍ତି ଏବଂ ଯଦି ଏହା ସତ୍ୟ, ତେବେ ସେମାନେ ମାଟି ତଳେ ଏତେ ଦିନ ଧରି କିପରି ବଞ୍ଚି ରହନ୍ତି?ତେବେ ଆସନ୍ତୁ ଏହା ବିଷୟରେ ଜାଣିବା ।
ଏହା ପଛରେ ବିଜ୍ଞାନ ଏବଂ ଧର୍ମ ଉଭୟର ଭିନ୍ନ ଭିନ୍ନ କାରଣ ଅଛି । ଏଭଳି ଅନେକ ଘଟଣା ସାମ୍ନାକୁ ଆସିଥାଏ ଯେ ଯେଉଁ ସ୍ଥାନରେ ଅମାପ ଧନ ଏବଂ ସମ୍ପତ୍ତି ମିଳିଥାଏ ସେଠାରେ ସାପ ମଧ୍ୟ ଥାଏ । ଏଭଳି ମାନ୍ୟତା ରହିଛି ଯେ ସାପ ଧନର ରକ୍ଷକ ଏବଂ ଭଗବାନ ବିଷ୍ଣୁ ତାଙ୍କୁ ରକ୍ଷା କରିବା ପାଇଁ ଦେବୀ ଲକ୍ଷ୍ମୀଙ୍କ ସହିତ ସାପକୁ ପଠାଇଥାନ୍ତି । ଯେଉଁଠାରେ ଲକ୍ଷ୍ମୀ ଅଛନ୍ତି ସେଠାରେ ନିଶ୍ଚିତ ଭାବରେ ସାପ ରହି ଥାନ୍ତି । ଧର୍ମ ଅନୁସାରେ ସାପ ଧନକୁ ରକ୍ଷା କରନ୍ତି, ସେଥିପାଇଁ ସେମାନଙ୍କୁ ଧନର ରକ୍ଷକ କୁହାଯାଏ ।
ଧର୍ମାନୁସାରେ ଦେବୀ ଲକ୍ଷ୍ମୀଙ୍କୁ ଗତିଶୀଳ ବୋଲି କୁହାଯାଏ ତେଣୁ ଯେତେବେଳେ ଏକ ସାପ ଯଦି ଧନ ଉପରେ ଗୁଡ଼ାଇ ହୋଇରହେ ଏହା ଧନର ସ୍ଥିରତାର ପ୍ରତୀକ । ହୁଏତ ଏହି କାରଣରୁ ଯେଉଁଠାରେ ପ୍ରଚୁର ଧନ ଥାଏ, ସେଠାରେ ସାପ ନିଶ୍ଚିତ ଭାବରେ ଦେଖାଯାଏ । ଏବେ ଯଦି ସାପ ପ୍ରକୃତରେ ମାଟି ଭିତରେ ବହୁତ ବର୍ଷ ଧରି ରହୁଛନ୍ତି ତେବେ ସେମାନେ କିପରି ଜୀବିତ ଅଛନ୍ତି? ଏହା ପଛରେ ରହିଛି ଅନେକ ବୈଜ୍ଞାନିକ କାରଣ । ପ୍ରକୃତରେ ସାପମାନେ ମାଟି ଭିତରେ ରହିବାରେ ଅଭ୍ୟସ୍ତ ।ସେମାନେ ମାଟି ଭିତରେ ମଧ୍ୟ ନିଜର ଗାତ ତିଆରି କରନ୍ତି । ସେମାନେ ଜୀବିତ ରହିବା ପାଇଁ ମାଟି ଭିତରେ ଅମ୍ଳଜାନ ଏବଂ ଭୂତଳ ଜଳ ପାଆନ୍ତି । ସେଠାରେ ସେମାନେ ଛୋଟ ଛୋଟ ଜୀବମାନଙ୍କୁ ନିଜର ଶିକାର କରନ୍ତି । ସାପମାନଙ୍କର ଶରୀର ଏତେ ନମନୀୟ ଯେ ସେମାନେ ସହଜରେ ଯେକୌଣସି ସ୍ଥାନକୁ ଯାଇପାରିବେ ।ସାପମାନଙ୍କର ଜୀବନକାଳ ମଧ୍ୟ ବହୁତ ଲମ୍ବା ହୋଇଥାଏ । ଯେଉଁଥିପାଇଁ ସେମାନେ ମାଟି ଭିତରେ ଆରାମରେ ରହିପାରନ୍ତି ।