ରାଉରକେଲା ସହର ସଂଲଗ୍ନ କୋଏଲ ନଦୀର ତେତେରକେଲା ଘାଟକୁ ତିନିଜଣ ସାଙ୍ଗମିଶି ଗାଧୋଇବାକୁ ଯାଇଥିବା ବେଳେ ଜନୈକ ୨୨ ବର୍ଷୀୟ ଯୁବକଙ୍କ ନଦୀରେ ବୁଡ଼ିଯାଇ ମୃତ୍ୟୁ ହୋଇଥିଲା । ତିନିଜଣ ସାଙ୍ଗ ଆଇଟିଆଇରୁ ପାସହୋଇ ଏବେ ଆରଏସପିରେ ଆପ୍ରେଣ୍ଟିସ ଟ୍ରେନିଂରେ ଯୋଗଦେଇଥିଲେ । ତେବେ ବେଦବ୍ୟାସ ଅଞ୍ଚଳର ବାସିନ୍ଦା ଆକାଶ ଦତ୍ତ ( ୨୨ ) ସେଲଫି ନେବା ସମୟରେ ଗହୀର ଭିତରକୁ ଚାଲିଯିବା ପରେ ଆଉ ଫେରି ନ ପାରି ଶେଷରେ ମୃତ୍ୟୁକୁ ଆଦରି ନେଇଥିଲେ । ଅନ୍ୟ ଦୁଇଜଣ ସାଙ୍ଗ ସେକ୍ଟର -୨ ଅଞ୍ଚଳର ନିବାସୀ ଚିରଞ୍ଜିବୀ ମହାପାତ୍ର ( ୨୧ ) ଓ ପାନପୋଷ ନିବାସୀ ଶେଖର ଭୋଇ ( ୨୨ ) କୈାଣସି ପ୍ରକାରେ ନଦୀରୁ ବାହାରି ଜୀବନ ରକ୍ଷା କରିଥିଲେ । ଖବର ପାଇ ପୋଲିଶ ଘଟଣାସ୍ଥଳରେ ପହଞ୍ଚି ଶବ ଜବତ କରି ବ୍ୟବଚ୍ଛେଦ ପାଇଁ ପଠାଇଥିଲେ । ଏହି ଖବର ଶୁଣି ବେଦବ୍ୟାସ ଅଞ୍ଚଳରେ ଶୋକର ଛାୟା ଖେଳିଯାଇଛି । ନବ ଯୁବକ ମାନଙ୍କ ନଦୀ ଗାଧୁଆ ଏବେ ପରିବାର ଲୋକଙ୍କ ପାଇଁ କାଳ ସାଜିଛି । ବୃଦ୍ଧ ବାପା ଆଶା କରିଥାଆନ୍ତି ଯେ ମୋର ମୃତ୍ୟୁ ହେଲେ ପୁଅ ମୋର ଶବକୂ କାନ୍ଧ ଦେବ । ହେଲେ ସବୁ ଓଲଟା ଘଟୁଛି କଳି ଯୁଗରେ ବାପାକୁ ଯୁବା ପୁତ୍ରର ଶବ ବୋହିବାକୁ ବାଧ୍ୟ କରୁଛି ନିୟତୀ ।
