ଜିତିଲା ଇଣ୍ଡିଆ ଅଦ୍ଭୁତ ପୃର୍ବକ ନାଚିଲେ ସୁନୀଲ ଗାଭାସ୍କର

୧୨ ବର୍ଷର ପ୍ରତୀକ୍ଷା, ୨୫ ବର୍ଷର ପ୍ରତିଶୋଧ ସହ ବିଶ୍ୱ ବିଜୟୀ ହୋଇଛି ଟିମ୍ ଇଣ୍ଡିଆ । ୨୦୨୪ରେ ଚାମ୍ପିଅନ ଥିଲେ ୨୦୨୫ରେ ଚାମ୍ପିଅନ୍ ରହିବେ । ଆଇସିସି ଚାମ୍ପିଅନ୍ସ ଟ୍ରଫି ମୁକୁଟ ପିନ୍ଧିଛି ଟିମ୍ ଇଣ୍ଡିଆ । ପ୍ରଥମ ଦେଶ ଭାବେ ତୃତୀୟ ଥର ଟାଇଟଲ ଜିତିଛି । ରୋହିତ ଶର୍ମାଙ୍କ ନେତୃତ୍ବରେ ବିରାଟ ବିଗ୍ରେଡ୍ ଏହି କାରମାନ କରି ଦେଖାଇଛି । ଫାଇନାଲ୍ ମ୍ୟାଚରେ ନ୍ୟୁଜିଲାଣ୍ଡକୁ ୪ ଓ୍ବିକେଟ୍ ମାତ୍ ଦେଇ ଚାମ୍ପିଆନ୍ ହୋଇଛି । ଫାଇନାଲ୍ ଜିତିବା ପରେ ଦୁବାଇରୁ ଦିଲ୍ଲୀ ସବୁଠି ସେଲିବ୍ରେସନ । ହୋଲି ପୂର୍ବରୁ ଦେଶରେ ଦୀପାବଳିର ମାହୋଲ ।
କ୍ରିକେଟ୍ ଫ୍ୟାନ୍ସଙ୍କ ନାଚ ଗୀତରେ ଝୁମୁଛି ଦେଶ । ତେଣୁ ଏଥିରୁ ବାଦ୍ ବା କେମିତି ଥାଆନ୍ତେ ପୂର୍ବତନ ଭାରତୀୟ କ୍ରିକେଟର ସୁନିଲ୍ ଗାଭାସ୍କର । ଟିମ୍ ଇଣ୍ଡିଆ ଟ୍ରଫି ଉଠାଇବା ପରେ ଗାଭାସ୍କରଙ୍କ ଜବରଦସ୍ତ ସେଲିବ୍ରେସନ ଦେଖିବାକୁ ମିଳିଛି ।ଦୁବାଇ ଇଣ୍ଟନ ନ୍ୟାଶନାଲ୍ ଗ୍ରାଉଣ୍ଡରେ ଛୋଟ ପିଲାଙ୍କ ଭଳି ନାଚିବାକୁ ଲାଗିଥିଲେ । ଏହା ପୂର୍ବ ଭାରତ-ପାକିସ୍ତାନର ଏକ ମ୍ୟାଚ୍ ମଧ୍ୟ ନାଚିଥିଲେ ସୁନିଲ ଗାଭାସ୍କର । ରୋହିତ ଶର୍ମାଙ୍କ ଅଧିନାୟକତ୍ୱରେ ଟିମ ଇଣ୍ଡିଆ ତୃତୀୟ ଥର ଆଇସିସି ଟାଇଟଲ ଜିତିବା ପରେ ଦୁବାଇ ଗ୍ରାଉଣ୍ଡରେ ଅଭିଜ୍ଞ କ୍ରିକେଟର ସୁନୀଲ ଗାଭାସ୍କର ଖୁସିରେ ପିଲାଙ୍କ ପରି ନାଚିଥିଲେ। ଭାରତ ନ୍ୟୁଜିଲାଣ୍ଡ ଦେଇଥିବା ୨୫୨ ରନର ଟାର୍ଗେଟକୁ ୬ ବଲ ବାକି ଥାଇ ହାସଲ କରି ୪ ୱିକେଟରେ ଐତିହାସିକ ବିଜୟ ହାସଲ କରିଛି। ଗାଭାସ୍କରଙ୍କ ନୃତ୍ୟର ଭିଡିଓ ଭାଇରାଲ ହେଉଛି।ସୁନୀଲ ଗାଭାସ୍କର ୨୦୨୫ ଚାମ୍ପିଅନ୍ସ ଟ୍ରଫିରେ କମେଣ୍ଟ୍ରି ପ୍ୟାନେଲର ଅଂଶ ଥିଲେ। ଭାରତ ଫାଇନାଲ ଜିତିବା ପରେ ସେ ନିଜ ଖୁସିକୁ ନିୟନ୍ତ୍ରଣ କରିପାରି ନ ଥିଲେ। ରୋହିତ ଶର୍ମା, ବିରାଟ କୋହଲି ଏବଂ ଦଳ ଟ୍ରଫି ସହିତ ଉତ୍ସବ ପାଳନ କରୁଥିଲେ ଏବଂ ସେମାନଙ୍କ ଆଗରେ ସୁନୀଲ ଗାଭାସ୍କର ପିଲାଙ୍କ ଭଳି ନାଚିବା ଆରମ୍ଭ କଲେ। ଏହି ଭିଡିଓଟି ସୋସିଆଲ ମିଡିଆରେ ଭାଇରାଲ ହେବାରେ ଲାଗିଛି।